ინფორმაცია ინვესტორებისთვის

საქართველოს დღევანდელი ეკონომიკური მდგომარეობიდან გამომდინარე, ტურიზმის სფეროში განხორციელებული ინვესტიციების ოდენობა, რა თქმა უნდა, საკმაოდ სოლიდურია. საერთაშორისო სტანდარტების მქონე ტურისტულ ინფრასტრუქტურაზე მოთხოვნა, ექსპერტთა დასკვნით, მილიონი დოლარით უნდა განისაზღვროს.
      საქართველოში 1999-2003 წლების განმავლობაში აშენდა 300 სასტუმრო და სასტუმრო სახლი, 4340 სასტუმრო ნომრით 10 000 საწოლ ადგილზე. აღსანიშნავია თბილისში ექსპლუატაციაში შესული "მარიოტის" ჯგუფის ორი სასტუმრო, სასტუმროები "ძველი თბილისი", "პრიმავერა", "კოპალა", ვერე-მცხეთა-ბაკურიანის "პალასის" სისტემის სამი სასტუმრო, აგრეთვე რიგი მაღალი დონის ახალი სასტუმრო აჭარის ავტონომიურ რესპუბლიკაში.
      ექსპერტების შეფასებით, ზემოაღნიშნული 300 ობიექტის მშენებლობაზე, ბაზალეთის ტბის ტურისტული კომპლექსის ჩათვლით, საერთო ჯამში, მოზიდულია ინვესტიციები 250მლნ. აშშ. დოლარის ოდენობით. აქედან, უცხოელი ინვესტორების მიერ დაბანდებული 100მლნ. აშშ. დოლარი.
      ამ მონაცემებზე დაყრდნობით, საქართველოში ტურიზმის სფეროში მოღვაწე შიდა და უცხოელ ინვესტორთა ხელშეწყობის, დაინტერესების მიზნით, საქართველოს ტურიზმისა და კურორტების სახელმწიფო დეპარტამენტის მიერ მომზადდა კანონპროექტი "საქართველოს საგადასახადო კოდექსში" შესაბამისი ცვლილებებისა და დამატებების შეტანის შესახებ.
      ეკონომისტების აზრით, ასეთი ცვლილებები საგადასახადო კოდექსში  ხელს შეუწყობს უცხოური კაპიტალის მოზიდვას, ქვეყანაში ტურისტულ ბიზნესში თანამედროვე ტექნოლოგიების შემოტანას, ახალი სამუშაო ადგილების შექმნისა შემოსავლების ზრდას.
      აღსანიშნავია, რომ საქართველოს პრეზიდენტის სპეციალური განკარგულებით შერჩეულია ტურისტული ცენტრების შექმნისთვის შესაფერისი და სახელმწიფო საკუთრებაში არსებული 787 ჰექტარი არასასოფლო-სამეურნეო დანიშნულების მიწის 112 ნაკვეთი, რომელიც განლაგებულია ქვეყნის 42 რაიონში, როგორც ზღვისპირეთში, ასევე მთიან რაიონებში. აღნიშნული ტერიტორიებით შეიძლება დაინტერესდნენ ადგილობრივი და უცხოელი ივესტორები, რომლებიც გადაწყვეტენ ტურისმის სფეროში ინვესტიციების დაბანდებას.

   

ზოგადი ცნობები

მარადიული თოვლითა და მყინვარებით დაფარული კავკასიონი, შავი ზღვის სანაპიროს სუბტროპიკული ზონა, წყალუხვი მდინარეები და ჩანჩქერები, სამკურნალო მინერალური წყლები და კურორტები, მრავალპროფილიანი და მდიდარი ეკონომიკური რაიონები, ისტორიისა და კულტურის ძეგლები - ყველაფერი ეს განსაკუთრებით ხელსაყრელ პირობებს ქმნის საქართველოში ტურიზმის განვითარებისათვის.

საქართველოში ტურიზმის განვითარებას ხელს უწყობს უამრავი ისტორიულ-არქიტექტურული ძეგლის არსებობა, უძველეს ხანას (ბრინჯაოსა და ადრეული რკინის საუკუნეები) განეკუთნება ბედენის, თრიალეთის, სამთავროს, სამგორის ყორღანები, აფხაზეთის დოლმენები, ჩვ.წ.აღ-მდე IV-III-I საუკუნეებით თარიღდება უძველესი დედაქალაქის - მცხეთის აკროპოლი და ვანის ნაქალაქარი ციხე-სიმგრის ნაგებობებით, სასახლისა და საკულტო შენობებით, ქალაქ-გამოქვაბულის-უფლისციხის (ქ. გორის მახლობლად) ადრეული სადგომები. დიდი რაოდენობითაა შემონახული ადრექრისტიანული ტაძრები, რომელთა შორის მრავალი - ბოლნისის რაიონი (V ს.) ნინოწმინდა (VI ს.), ჯვარი მცხეთის მახლობლად (VI ს-ის დასასრული VII ს-ის დასაწყისი და სხვა) - წარმოადგენს არქიტექტურის ცნობილ ძეგლებს. ძალზედ თვალწარმტაცია X-XI სს-ის ტაძრები და ეკლესიები - კუმურდოში, ქუთაისში, ალავერდში (თელავის მახლობლად), სვეტიცხოველი მცხეთაში, სამთავისი (ქ. გორის მახლობლად), ნიკორწმინდა ( ამბროლაურის მახლობლად), აგრეთვე XII ს-ის გელათის მონასტერი (ქ. ქუთაისის მახლობლად) - შუასაუკუნეების ერთ-ერთი ყველაზე დიდი მონასტერთაგანი საქართველოში. შემორჩენილია გრანდიოზული, კლდეში ნაკვეთი XII-XIII სს-ის მონასტრები - დავით გარეჯისა (თბილისიდან 60 კმ-ზე) და ვარძიისა (ბორჯომიდან 70 კმ-ზე). XIV-XVIII ს-დან შემორჩენილია ციხე (გრემი-XVI ს.) ტაძრები, მონასტრები, სასახლეები, ციხე-სიმაგრეები (ხერთვისი, კვარასციხე), ხიდები და სხვ. ნაგებობები.

საქართველოში ტურიზმის განვთარებას ასევე ხელ უწყობს ქვეყნის განსაკუთრებით ხელსაყრელი გეოგრაფიული მდებარეობა. ბუნებამ უხვად დააჯილდოვა საქართველო. მთელს მსოფლიოში არც ისე ბევრია ადგილები, სადაც შედარებით მცირე ტერიტორიაზე განლაგებულია ამდენი განსხვავებული ლანდშაფტი - ნოტიო სუბტროპიკებიდან მუდმივ თოვლამდე და მყინვარებამდე მაღალ მთიან ადგილებში.
საქართველოს ტერიტორიაზე შესწავლილია 2000-მდე მინერალური წყარო. მინერალური წყლები ფართოდ გამოიყენება ბალნეოლოგიაში სხვადასხვა ავადმყოფობათა სამკურნალოდ.
საქართველოს ერთ-ერთი ძირითადი საკურორტო ფაქტორია ჰავა. მთისა და ზღვის შერწყმული ჰავა ქმნის საუკეთესო კლიმატურ პირობებს მრავალი დაავადების სამკურნალოდ. კლიმატოთერაპიისთვის განსაკუთრებით ეფექტურია ზღვისპირა, დაბალ და საშუალომთიანი რაიონების ჰავა. მნიშვნელოვანი ბუნებრივი საკურორტო - რეკრეაციული რესურსია მდიდარი მცენარეულობა (მათ შორის წიწვიანი და ფართოფოთლოვანი ტყეები).
დღეს საქართველო 102 კურორტს ითვლის. ბორჯომის ხეობის კლიმატური კურორტები: წყალტუბო, აბასთუმანი, ბორჯომი, წაღვერი, ცემი, ლიკანი, ბაკურიანი. შავი ზღვისპირეთის კლიმატური პირობები: ახალი ათონი, ბიჭვინთა, სოხუმი, გაგრა, ბათუმი, ქობულეთი, მახინჯაური, ციხისძირი, და სხვ. ბალნეოლოგიური კურორტები: ნაბეღლავი, სკური, ზვარე, სულორი, ასპინძა, ცაიში, ნუნუსი, უწერა და სხვ. გარდა კურორტებისა ასევე რეგისტრირებულია 340 საკურორტო ადგილი.
ბუნების განსაკუთრებული მრავალფეროვნებისა და სილამაზის, მრავალი კულტურული ძეგლისა და მდიდარი და უძველესი ისტორიის გამო, საქართველო არის ტურიზმის მნიშვნელოვანი ცენტრი.

საქართველოში არსებობს ბუნებრივი ღირსშესანიშნაობანი, ნაკრძალები, ტბები, ჩანჩქერები, მღვიმეები, მწვერვალები, მყინვარები, მდიდარი ისტორიული ძეგლები და სამთო-სათხილამურო ცენტრები. ტურისტებსა და სამთო-სათხილამურო სპორტის მოყვარულებს შორის ძალზედ პოპულარულია ბაკურიანი და გუდაური.
საქართველოში ალპინიზმი ძალზედ პოპულარული სპორტია. საქართველოს ყველაზე ცნობილ მწვერვალებს წარმოადგენს ყაზბეგი (5033მ), თეთნულდი (4853 მ), შხარა (5068 მ), უშბა (4700 მ), ჯანგითაუ (5059 მ) და სხვ. საქართველოს უმაღლესი მწვერვალია შხარა.
ტურიზმს საქართველოში კარგი პერსპექტივები გააჩნია. ყოველწლიურად მატულობს საქართველოში მოგზაურობის მსურველთა რაოდენობა.

ტურიზმის ინდუსტრია

ტურიზმის ინდუსტრია   მსოფლიოში ერთ–ერთი მზარდი ინდუსტრიაა.  მსოფლიოში სწორედ ტურიზმი არის ვალუტის მოძრაობის მთავარი გენერატორი, რისი მეშვეობითაც იგი უდიდეს როლს თამაშობს მსოფლიო ეკონომიკაში. იგი ასევე ბევრი ქვეყნისთვის რჩება უამრავ სამუშაო ადგილზე პასუხისმგებლად. UNWTO-ს მონაცემებით, მოთხოვნამ საერთაშორისო ტურიზმზე ყოველგვარ მოლოდინს გადააჭარბა და აჩვენა თავისი ელასტიურობა და მოქნილობა გარეშე ფაქტორებთან მიმართებაში. (ნოემბერი,2008)

• 2007 წლიდან 2008 წლამდე საერთაშორისო ტურისტთა რაოდენობა 1.9%-ით გაიზარდა და 922 მილიონს მიაღწია, ხოლო მათ მიერ დახარჯულმა თანხამ 944 მილიარდ დოლარს (642 მილიარდ ევროს) მიაღწია!
• ბოლოდროინდელმა მსოფლიო ფინანსურმა კრიზიმა თავისი ზეგავლენა იქონია ტურიზმის ინდუსტრიაზეც, რაც 2008 წლის ივნისის თვიდან საერთაშორისო ტურისტების ზრდის ტემპის 2%-იანი დაცემით დაიწყო და საბოლოოდ მარტო 2009 წლის პირველი ოთხი თვის მონაცემებით ტურისტული ნაკადი 8%-ით შემცირდა. ბევრ რეგიონში A(H1N1) ინფლუენზა – ე.წ “ღორის გრიპის” მსოფლიო პანდემიამ ასევე გამოიწვია სიტუაციის გამწვავება. ექსპერტების აზრით 2010 წლისათვის კვლავ განახლდება ტურიზმისადმი გამძვინვარებული მოთხოვნა და საერთაშორისო ტურისტთა რაოდენობა 1 მილიარდს გადააჭარბებს!
   ტურზმის ინდუსტრიას ბევრი ქვეყნისათვის სასიცოცხლო მნოშვნელობა გააჩნია. სწორედ უცხოელი ტურისტებისაგან მიღებული შემოსავლები, ინდუსტრიაში მყოფი ფირმების გადასახადები და შანსი, რომ ადგილობრივი მოსახლეობა დასაქმდება ქმნის ამ ქვეყნებისათვის განვითარების შესაძლებლობას.

მსოფლიო ტურიზმის ორგანიზაცია

მსოფლიო ტურიზმის ორგანიზაცია (UNWTO) – გაეროს სპეციალიზებული ორგანო, რომელიც არის წამყვანი საერთაშორისო ორგანიზაცია ტურიზმის სფეროში. ორგანიზაცია დაფუძვნდა 1974 წელს მადრიდში. მტო არის მსოფლიო მასშტაბით მნიშვნელოვანი ორგანიზაცია, რომელიც კონცენტრირებულია საერთაშორისო ტურიზმის შესახებ სტატისტიკური მონაცემების შეგროვებაზე და შედარებაზე. ამ ორგანიზაციის მიერ მსოფლიოს სხვადასხვა ქვეყნებიდან მოწოდებული მონაცემები საშუალებას იძლევა გაკეთდეს მსოფლიო მასშტაბით ტურიზმის ზრდისა და შემცირების შედარებითი ანალიზი.  მსოფლიო ტურიზმის ორგანიზაცია ხელს უწყობს გონივრული, სიცოცხლისუნარიანი და ყველასათვის ხელმისაწვდომი ტურიზმის განვითარებას, განსაკუთრებულ ყურადღებას აქცევს განვითარებად ქვეყნებს. მტო ცდილობს უზრუნველყოს ტურიზმისთვის ეთიკის საყოველთაო კოდექსი (Global Code OF Ethics), წევრი ქვეყნების დარწმუნებით იმაში, რომ ტურისტული დესტინაციები და ბიზნესი იწვევს ტურიზმის ეკონომიკური, სოციალური და კულტურული შედეგების დადებითი მხარეების მაქსიმალიზაციას და ამავე დროს ამცირებს მის უარყოფით სოციალურ და გარემო ზეგავლენებს. მსოფლიო ტურიზმის ორგანიზაციის საწყისი ფესვები უნდა ვეძებოთ 1925 წელს, როდესაც ქ. ჰააგაში შეიქმნა "ოფიციალური ტურისტული მოძრაობის ასოციაციების საერთაშორისო კონგრესი"(ICOTT). მეორე მსოფლიო ომისა და საერთაშორისო მოძრაობების გაზრდის შემდეგ მოხდა ICOTT-ის გარდაქმნა ოფიციალურ მოგზაურობათა ორგანიზაციების საერთაშორისო გაერთიანებად (IUOTO). ეს იყო ტექნიკური, არასამთავრობო ორგანიზაცია, რომელშიც გაერთიანდა ნაციონალური ტურისტული კომპანიები და მომხმარებელთა ჯგუფი. მისი მიზანი არ იყო მხოლოდ ზოგადად ტურიზმის დაწინაურება, არამედ ის მიზნად ისახავდა გამოეყენებინა ტურიზმის უპირატესობები საერთაშორისო ვაჭრობაში და დაენახებინა მისი დადებითი მხარეების ეფექტი განვითარებადი ქვეყნების ეკონომიკური განვითარების სტრატეგიაში. IUOTO-ს მეოცე საყოველთაო კრებაზე, რომელიც ჩატარდა 1967 წელს ტოკიოში, გამოცხადდა მთავრობებთაშორისი ორგანოს შექმნის საჭიროების შესახებ, რომელსაც შესწევდა უნარი საერთაშორისო დონეზე თანამშრომლობისათვის სხვა საერთაშორისო ორგანიზაციებთან, განსაკუთრებით, გაერთიანებულ ერების ორგანიზაციასთან. IUOTO-ს არსებობის განმავლობაში ჩამოყალიბდა ახლო კავშირები ორგანიზაციასა და გაეროს შორის და გაჩნდა საწყისი წინადადებები იმის თაობაზე, რომ ეს ორგანო გაეროს შემადგენლობაში შესულიყო. 1970 წელს IUOTO-ს გენერალურმა ასამბლეამ მხარი დაუჭირა მსოფლიო ტურიზმის ორგანიზაციის შექმნას(მტო), რომელიც დაფუძნებული იქნებოდა IUOTO-ს ორგანიზაციულ წესდებაზე. ბრძანების რატიფიცირება მოხდა 51 სახელმწიფოს მიერ, მხოლოდ ამის შემდეგ, 1974 წლის 1 ნოემბერს, დაიწყო მტო-მ ფუნქციონირება. დღესდღეობით მტო-ს წევრია 154 სახელმწიფო, 7 ასოცირებული წევრი (პუერტო რიკო, არუბა, ჰონგ კონგი, მაკაუ, მადეირა, ნიდერლანდის ანტილები,ფლამანდია), 15 სახელმწიფომ დატოვა ორგანიზაცია სხვადასხვა პერიოდში (ავსტრალია, ბაჰამის კუნძულები, ბაჰრეინი, კანადა, სალვადორი, ჰონდურასი, ქუვეითი, მალაიზია, ნიკარაგუა, პანამა, ფილიპინები, ყატარი,ტაილანდი და პუერტო რიკო). არაწევრი ქვეყნები : სურინამი, გაიანა, აშშ, ბელიზი, ტრინიდადი და ტობაგო, დომინიკა, გრენადა, ბარბადოსი, ანტიგუა და ბარბუდა, სენტ ლუსია, სენტ კიტსი და ნევისი, სენტ ვინსენტი და გრენადინები, ლიბერია, სომალი, კომორის კუნძულები, ირლანდია, ისლანდია, გაერთიანებული სამეფო, დანია, შვედეთი, ფინეთი, ბელგია, ლუქსემბურგი, ლიხტენშტეინი, ესტონეთი, არაბეთის გაერთიანებული საამიროები, მიანმა, სინგაპური, ახალი ზელანდია, პალაუ, მიკრონეზია, მარშალის კუნძულები, კუკის კუნძულები, ტუვალუ, ნაურუ, ნიუე, კირიბატი, სოლომონის კუნძულები, სამოა,ტონგა და დანარჩენი შეზღუდული აღიარების მქონე ქვეყნები.